"1836-1838ж Бөкей Ордасындағы Исатай Тайманұлы мен Махамбет Өтемісұлы бастаған қазақтардың көтерілісі" тақырыбында ашық сабақ

Қазақстан Республикасы Тəуелсіздігінің 28 жылдық мерекесі аясында Шымкент қаласы Т.Тəжібаев атындағы №47 мектеп-гимназияда "Тəуелсіздік-мəңгілік елдің тұғыры" атты қоғамдық пəндер кафедрасының онкүндігі барысында тарих пəні мұғалімі Құдиярова Айман Тұрмаханбетқызының "1836-1838ж Бөкей Ордасындағы Исатай Тайманұлы мен Махамбет Өтемісұлы бастаған қазақтардың көтерілісі" тақырыбында 8 Б сыныбымен ашық сабақ өткізді. Сабақтың мақсаты-болашаққа сеніммен қарауға, кешегіміз бен бүгінгі тарихымызды жалғастырып, оқушылардың өткен тарихқа ұлттық көзқарасын қалыптастыру, Қазақ халқының тəуелсіздік жолындағы ерлік күресін насихаттау.
Оқушылар тарихи құжаттармен зерттеу жұмыстарын жасап, Махамбеттің өлеңдері мен "Жұмыр Қылыш" күйінің тарихын қызыға əңгімелеп берді. Сонымен қатар сабақ барысында пайдаланылған құнды деректер мен бейнероликтер оқушылардың қызығушылықтарын арттырды.