Бүгін  бітіруші түлектер үшін қайталанбас , маңызды да мәнді , тебіреніске толы күн. Өмір күнделігіне өшпестей етіп жазылатын күн.Тарыдай болып кірген алтын ұядан бүгін таудай болып шығып барады.

           11 жыл бойы білім алып, тәрбие тұнығынан сусындаған балапан қанат қарлығаштар бұл күнде қанаттары қатайып, бала шақтан болашаққа самғағалы отыр.

       Шымкент қаласы Т.Тәжібаев атындағы 47 мектеп-гимназия әкімшілігі "Қош бол, аяулы мектебім!" атты мектеп бітіруші түлектерге  арналған аттестат табыстау рәсімі салтанатты жиынды  ұйымдастырып өткізді. Аталған іс-шараға Қамқоршылық және мектепішілік ата-аналар кеңестерінің  төрайымдары мен ардақты да құрметті ардагер-ұстаздар қатысты.

     Биылғы 2021-2022 оқу жылының   145 бітіруші түлектердің арасында 4 оқушы- "Алтын белгі" төс белгіге ", 5 оқушы- "Үздік аттестатқа  " ие болған оқушылар  ерекше  қошеметпен марапатталды.

      Арман қуған түлектердің қанат қағып, ұшқалы отырған ЖАҢА ӨМІРІНІҢ сәттілікпен басталуына тілектеспіз.