"Алтын белгі", " Best аттестат" иелері

Шымкент қалалық білім басқармасына қарасты Т.Тәжібаев атындағы 47 мектеп- гимназия түлектері мектептің білім сапасының жоғары деңгейін тағы бір дәлелдеп шықты. 2018-2019 оқу жылында 98 бітірушіден 85 бітіруші Ұлттық бірыңғай тестілеуге қатысып бүгінгі күннің нәтижесінде 50 оқушы мемлекеттік грантқа ие болды. Мектеп- ата- ана- оқушы үштік одағының жүйелі жұмысы өз нәтижесін көрсетті.
Мектеп әкімшілігінің жоғары деңгейлі ұйымдастыруы мен сапалы кадрлар құрамының тыңғылықты жұмысы нәтижесінде мектеп оқушылары - "Алтын белгі", " Best аттестат" иелері өз білімдерін дәлелдеп, жоғарғы оқу орнының грант иегерлері атанды.
Түлектеріміздің мектеп табалдырығында алған сапалы білімі мен тәлімді тәрбиелері үлкен өмір жолында қадамдарын нық басуларына игі ықпал етеді деп ойлаймыз. Шәкірттеріміздің білім көкжиегінде биік белестерге самғауына тілектеспіз.